सावंगी (वर्धा) : आचार्य विनोबा भावे ग्रामीण रुग्णालयाने चार आणि पाच ऑगस्ट रोजी हृदयरोग अँजिओग्राफीचे भव्य शिबिर आयोजित केले आहे. हृदयरोग, हृदयाच्या झडपेचे आजार, छाती दुखणे, धाप लागणे, चक्कर येणे, पायावर सूज येणे, रात्री झोपेत दम लागणे, उच्च रक्तदाब यांसारखे आजार असणाऱ्या व्यक्ती या शिबिरात सहभागी होऊ शकतात. त्यांना एक हजार नऊशे ९९ रुपयांत अँजिओग्राफी करून घेता येईल.
शिबिरात अँजिओग्राफीसंदर्भातील चाचण्या विनामूल्य करण्यात येतील. तसेच हृदयरोगतज्ज्ञांकडून विनामूल्य तपासणी करून घेता येईल. रुग्णांसाठी राहण्याची व भोजनाची सोय मोफत उपलब्ध असेल.
शिबिरात सहभागी होण्यासाठी पाचशे रुपये नोंदणीशुल्क भरून आगाऊ नोंदणी करणे आवश्यक आहे. रुग्णांनी शिबिरात नियोजित तारखेआधी एक दिवस भरती व्हावे व उर्वरित रक्कम १४९९ रुपये त्या वेळी जमा करावी असे आयोजकांनी कळवले आहे.
शिबिर स्थळ :
हृदयरोग बाह्यरुग्ण विभाग नं. २२, आचार्य विनोबा भावे ग्रामीण रुग्णालय, सावंगी (मेघे), वर्धा
नोंदणीसाठी संपर्क :
वर्धा, नागपूर, भंडारा, गोंदिया - प्रतीक गडकरी : ७५८८१ ७८१७८
अमरावती, अकोला, बुलडाणा - महेंद्र मोहोड : ९९२३९ ९१५८०
यवतमाळ, वाशिम - मनोज महाजन : ८८५६० ०९५५७
चंद्रपूर, गडचिरोली - सत्यजित पोद्दार : ९४०४५ ३६६२४
प्रणय मुळे : ९१६७३ ६५००६
